Jeffrey Epstein, ndërsa punonte në vilën e tij, kalonte orë të tëra duke parë vajza të reja të zhveshura, pasi kështu frymëzohej, shkruan “Daily Mail”.
Kjo e fundit ka publikuar fotografi ekskluzive nga ishulli privat i Jeffrey Epstein, në Karaibe. I quajtur ndryshe ishulli i “orgjive”, ai dërgonte aty minorenet që i shfrytëzonte si “skllave seksi”. Thuhet se ai ishte aq i dhënë pas seksit, sa kryente marrëdhënie të paktën tre herë në ditë.
Në fotot në fjalë nuk janë vetëm imazhet e resorit super luksoz, por vihen re edhe femra të ndryshme që qëndrojnë pranë Jeffrey-t, të cilat nuk janë të identifikuara.
Kujtojmë se në gusht të vitit 2019, 66-vjeçari vrau veten në burg, pasi ishte i akuzuar për abuzimet e tij seksuale me minorenet.
Sipas “Daily Mail”, në ishullin e tij privat shkonin shumë figura të njohura në Shtetet e Bashkuara të Amerikës, të cilët mendohet se kanë marrë pjesë te origjitë e tij.
Madje thuhet se 66-vjeçari ka patur miqësi të ngushtë edhe me Donald Trump e Bill Clinton. Por deri më tani nuk ka asnjë detaj, se këta të fundit mund të jenë përfshirë në orgjitë e tij.
Miliarderi kishte një jetë të fshehtë në vilën e tij, të cilën e kishte blerë në vitin 1998 për 7,95 milionë dollarë.
Jeta e 66-vjeçarit është e mbuluar me mister, pavarësisht pretendimeve që politikanët amerikanë, yjet e “Hollywood”-it dhe personalitete të botës, përfshirë Princin Andrew, e vizitonin në ishullin e tij.
g.kosovari
