Gareth Bale kundër Cristiano Ronaldos! Ky do të jetë dueli më i shumëpritur i gjysmëfinales midis Uellsit e Portugalisë. Dy ndër lojtarët kryesorë të Real Madrid, shpeshherë të përfolur se nuk e pëlqejnë njëri-tjetrin, tani do të jenë zyrtarisht përballë, pas mrekullisë uellsiane kundër Belgjikës.
Belgjika favorite krijoi përshtypjen se do ta dërrmonte Uellsin, pas epërsisë së shpejtë dhe dominimit me lojë, por në fund ishte skuadra britanike që triumfoi 3-1, duke përmbysur disavantazhin dhe parashikimet.
Festën e Uellsit e prish vetëm skualifikimi i mesfushorit sulmues Aron Ramsey, për një karton të verdhë të panevojshëm.
D.I.
