Juristi Ylli Manjani komentoi në emisionin Now në Euronews Albania deklaratën e kryetarit të bashkisë Tiranë Erion Veliaj se ishte kallëzuar në SPAK letër anonime nga një person që nuk ekziston.
Sipas tij nëse kallëzimi është bërë nga një person anonim që nuk duhet a ekziston, atëherë procesi ndaj Veliaj është i parregullt.
“Kur merr një kallëzim një prokuror gjënë e parë që bën është të dijë se kush e ka bërë këtë kallëzim, bën verifikim kush është personi që e ka bërë kallëzimin, ta thërrasim një herë ta pyesim çfarë mendon për çështjen. Në kushtet e anonimatit, prokurori ka pasur dijeni që është sigurisht nëse është kështu si thuhet dhe dhënie e këtij informacioni personit që ke marrë në pyetje është etikisht dhe profesionalisht e parregullt. Në praktikën e sotme të SPAK kemi parë kallëzues popullorë që dinë çdo gjë, janë kallëzues të stisur, të futur nga të tjerë, ndoshta edhe nga SPAK vetë, kjo është drejtësia e spiunllëkut. Në thelb çdo proces penal duhet të ketë përballë dikë, ai që të denoncon duhet ta kesh përballë. Nëse është e vërtetë që Anesti Angoni është kallëzues i Veliajt është proces i parregullt, vetëm nëse ka çuar atje materiale reale”, tha Manjani.
