Prokuroria e Përgjithshme ka nisur hetimet ndaj Ministrit të Brendshëm Sajmir Tahiri në lidhje me kallëzimin e KLD-së.
Organi i akuzës ka nisur veprimet e para proceduriale, pasi Këshilli i Lartë i Drejtësisë, kallëzoi penalisht javën e kaluar Tahirin, për intimidimin e gjyqtarit Arjan Aliaj, i cili dha vendimin për pezullimin nga detyra të kreut të policisë së shtetit Haki Çako, në lidhje me hetimin e nisur për pajisjen e përgjimit.
Sipas KLD-së, Ministri Tahiri ka kërcënuar dhe shantazhuar publikisht gjyqtarin e shkallës së parë Aliaj, duke e cilësuar atë si një kriminel dhe pjesë të sistemit të kalbur të drejtësisë.
Pavarësisht akuzave dhe reagimeve të KLD-së dhe organeve të tjera të drejtësisë, Gjykata e Apelit shfuqizoi vendimin e shkallës së parë dhe riktheu në detyrë kreun e Policisë Haki Çako.
/java/a.k
