Një 24-vjeçar nga Paskuqani ka bërë kallëzim penal në policinë e kryeqytetit për zhdukjen e së dashurës së tij.
Shtetasi me inicialet M.D. është paraqitur në Drejtorinë e Policisë Tiranë ku ka treguar ngjarjen.
Sipas dëshmisë, prej datës 22 Maj, bashkëjetuesja e tij me shtetësi rumune është larguar nga banesa ku ata jetonin në Paskuqan dhe është larguar në drejtim të paditur.
Prej asaj dite ai nuk ka pasur asnjë kontakt me vajzën 21-vjeçare me inicialet C.C.
Në momentet kur e reja humbi kontaktet, ishte e vetme në banesë dhe kur u kthye i dashuri i saj, nuk e gjeti në shtëpi.
Pasi u përpoq të komunikonte në telefon, dhe pas orësh të tëra pritjeje, 24-vjeçari i’u drejtua policisë ku bëri kallëzim penal.
Policia ka nisur kërkimet për vajzën por nuk ka gjetur asnjë gjurmëtë saj prej ditësh.
Disa persona kanë raportuar se kanë parë një vajzë të ngjashme me 21-vjeçaren rumune, por këto dëshmi nuk kanë ndihmuar në gjetjen e saj.
Policia dyshon se vajza mund të jetë rrëmbyer për motive trafikimi. Gjithsesi nuk përjashtohet që ajo të jetë larguar me dëshirë. Aktualisht policia po heton marrëdhënien mes djalit nga Paskuqani dhe vajzës rumune, për të zbuluar nëse kanë pasur mosmarrëveshje mes tyre./Javanews/a.m.