Një atentat mafioz ka mundur të parandalohet në Elbasan, nga prokuroria e Elbasanit në bashkëpunim të ngushtë me drejtorinë vendore të policisë Elbasan mëngjesin e sotëm.
Burime për Report Tv bëjnë me dije pranë grupit hetimor se është mundur të lokalizohet një automjet tip Foristradë, e cila ka qenë e parkuar në zonën e quajtur ish-Konservimi, pranë stadiumit ‘Elbasan Arena’. Po te njëjtat burime me thonë se dhjetëra forca policie kanë rrethuar makinën në bordin e të cilës janë sekuestruar dy armë të llojit kallashnikov, dhjetra fisheke, si dhe një shishe me lëndë ndjekëse, gati për atentat.
Në zonën ku është gjetur automjeti është banesa e Erion Alibej, i arrestuar tashmë nga policia. Nuk dihen as personat dhe as shënjestra, ndërsa grupi hetimor ka sekuestruar disa kamera ne zone për te zbardhur ngjarjen.
/a.r
