Studentet e Universitetit të Warwick-ut në Angli nuk dorëzohen. Një vit më parë, Facebook u kishte censuruar foto nudo, edhe pse ishin për të nisur një fushatë bamirësie. Anëtaret e një skuadre kanotazhi të universitetit anglez kishin postuar pa rroba për të mbledhur fonde për kërkimet kundër kancerit të gjirit.
Censura e rrjetit social e kishte konsideruar si pornografi, njësoj se fotot e nënave që u japin gji fëmijëve.
Vajzat nuk hoqën dorë nga iniciativa e tyre dhe tani kanë pozuar për kalendarin e vitit 2016, edhe këtë herë pa rroba.
Vitin e kaluar, me një kalendar të ngjashëm, mblodhën 3400 sterlina, të cilat shkuan të gjithë për Macmillan Cancer Support.
Këtë herë shpresojnë për më tepër. Kush e di, ndoshta edhe Facebook mund të ndryshojë mendje këtë herë.
