Policia e Shtetit ka zbuluar një tjetër rast të trafikut të drogës nëpërmjet autobusëve të lnjave mes Shqipërisë dhe Greqisë.
Paraditen e sotme efektivët e Policisë Kufitare sekuestruan në autobusin e linjës Tiranë-Athinë një sasi prej 3.1 kilogramësh lëndë narkotike e llojit kanabis-sativa.
Lënda narkotike u gjet në bagazhe dhe ishte e ndarë në 24 pako. Droga u gjet në autobusin me targa greke NIT 6022.
Policia ka ndaluar 2 shoferët e linjës ndërkohë vijon veprimet hetimore për zbulimin e personave të përfshirë në linjën e trafikut.
