Agim Kajmaku, i cili ishte në kërkim prej nëntorit prej vitit 2019 është arrestuar nga policia.
Por detaje të reja janë zbuluar nga arrestimi i ish-kryebashkiakut të Vorës.
Kajmaku është paraqitur në spitalin privat në gjendje të rëndë dhe kanë qënë mjekët ata që kanë lajmëruar më pas Policinë, e cila bëri edhe ndalimin e tij.
Për shkak të Diabetit, Ish-kryebashkiaku i Vorës u detyrua që të shkonte në spital për t’u kuruar duke hequr dorë nga liria.
Kajmaku u zgjodh në krye të Bashkisë Vorë në zgjedhjet e 30 qershorit 2019, por u denoncua nga PD se kishte fshehur dënimin në Greqi për falsifikim parash dhe se kjo nuk ishte deklaruar në formularin e dekriminalizimit.
Kajmaku është shpallur në kërkim që prej 11 nëntorit 2019 dhe akuzohet për 3 vepra penale “Falsifikim i vulave, stampave ose formularëve”, “Falsifikim i dokumenteve” dhe “Kryerja e funksionit pas dhënies fund të detyrës”.
g.kosovari
