Lëvizja për të shpëtuar Vjosën nga ndërtimi i hidrocentraleve të premten ka kaluar në një stad të lartë.
Ata janë mbledhur para kryeministrisë dhe kanë protestuar.
Dhe, mes duartrokitjeve të qindra spektatorëve dhe protestuesve nga lugina e Vjosës, kryesisht nga zonat që preken direkt nga ndërtimi i hidrocentralit të Poçemit, kayakistë nga Shqipëria, Sllovenia, Greqia, Italia, Gjermania, Austria, Holanda dhe SHBA marshuan me kajakët e tyre në mes të kryeqytetit.
Një prej tyre ishte Rok Rozman – iniciator i Turit të Lumenjve të Ballkanit dhe ish-atlet olimpik nga Sllovenia. Destinacioni i tyre ishte zyra e kryeministrit të Shqipërisë Edi Rama, për t’i dorëzuar Kryeministrit një kajak të veçantë.
“I dashur Edi Rama – ndaloni projektet e digave në Vjosë dhe krijoni një Park Kombëtar për lumin e fundit të egër të Europës!” – shkruhej në kajakun e nënshkruar nga më shumë se 1.000 njerëz.
Megjithatë as Edi Rama as përfaqësues të qeverisë nuk ishin të gatshëm për të marrë peticionin. Policia bllokoi komplet hyrjen. Rozman vendosi kajakun para kordonit policor, referon Eco Albania. (b.an)
