Çmimi Nobel për Letërsinë këtë vit i është dhënë një këngëtari të famshëm, amerikanit 75 vjeçar Bob Dylan.
Edhe për këtë vit, të gjithë përkrahësit e Kadaresë, që shpresonin se më në fund kishte ardhur koha që një shqiptar të merrte çmimin më të lartë në Letërsi, do duhet të presin ende.
Bob Dylan, legjenda e rokut mori çmimin “ për krijimet e shprehjeve të reja poetike brenda përbrenda traditës amerikane të këngës”. Ky ishte një pasazh i argumentimit që u dha pasi emri i Bob Dylan u shpall fitues i nobelit për letërsi. Bob Dylan ka qenë për më shumë se 5 dekada një influence e jashtëzakonshme në muzikën dhe në kulturën popullore, jo vetëm me notat muzikore, por edhe me penën e tij.
Dylan ka lindur në vitin 1941 me emrin Robert Allen Zimmerman dhe e nisi karrierën e tij mozikore që në vitet 50’, ku fillimisht luajti muzikë nëpër kafenetë e Minnesota-s.
Muzika e tij më e njohur është ajo e viteve 60, me këngë si “Blowin’ in the Wind” apo “The Times They are A-Changin”, të cilat u bënë himne të protestave anti- luftë dhe lëvizjeve për të drejtat e njeriut.
Kënga më e famshme mbase e dëgjuar prej tij mbetet “Knockin’ on Heaven’s Door”
/java/a.k
