Kryeministri Edi Rama ditën e sotme publikoi emrat e ministrave të rinj që do të jenë pjesë e kabinetit qeveritar. Ajo që vihej re ishte krijimi i Ministrisë për rininë dhe Fëmijët, e cila do të drejtohet nga Bora Muzhaqi.
I pyetur në “Opinion” se cili ishte qëllimi i krijimit të kësaj ministrie, Rama u shpreh se është punuar prej rreth 1 viti për të hartuar një program specifik për fëmijët, duke patur parasysh faktin se fëmijët në këtë vend kanë pak hapësirë përtej hapësirës së kopshtit dhe shkollave. Ai tha se ishte domosdoshmëri krijimi i kësaj ministrie dhe ndaj u krijua.
“Është një prioritet i ri i dedikuar i qeverisë së re për Rininë dhe për Fëmijët, që do të thotë që ne kemi punuar prej rreth 1 viti për të hartuar një program specifik për fëmijët, duke patur parasysh faktin se fëmijët në këtë vend kanë pak hapësirë përtej hapësirës së kopshtit dhe shkollave, për t’i përfshirë ata në më shumë aktivitete. Kjo lidhet dhe me futjen në programe të arteve për fëmijët, ku kemi parasysh nxënësit e shkollave elementare dhe programi për sportin. Ishte domosdoshmëri dhe kemi vendosur që ta ngremë këtë ministri”, tha Rama.
/a.r
