Shkrimtari brazilian Paulo Coelho ka reaguar së fundmi në rrjetet sociale duke thënë se pushtimi rus i Ukrainës ka lëshuar një klimë rusofobie.
Coelho, autori i romanit të mirënjohur “Alkimisti”, shkroi në një postim në Twitter: “Kriza e Ukrainës një justifikim i përshtatshëm për Rusofobinë”.
Shkrimtari u dënua gjerësisht nga ndjekësit e tij për këtë deklaratë, shumë prej të cilëve i kërkuan Coelhos të pranonte ndikimin shkatërrues të pushtimit rus dhe të publikonte foto të viktimave dhe shkatërrimeve të shkaktuara nga ushtria ruse.
Duke iu drejtuar kritikave, Coelho vijoi duke shkruar: “Isha në Lviv, Kiev, Odessa, Jaltë, Çernobil. Kam përshkuar 10,000 km me tren nga Moska në Vladivostok. Po, ka një luftë, por jo për faj të njerëzve të zakonshëm”.
/a.r
