Deputeti i PD-së Ervin Salianji ka folur nga selia blu lidhur me situatën kaotike të krijuar në godinën e PD-së, duke u shprehur se ka njerëz të plagosur dhe të sëmurë.
Salianji tha se deputetët demokratë po qëndrojnë në zyra të ndryshme sepse nuk ka hapësira për të qëndruar në një vend.
“Ka njerëz që janë të plagosur, ka gra shtatzënë, ka njerëz të sëmurë. Është një situatë e paimagjinueshme e bërë për interesat personale të një njeriu. Ne po qëndrojmë në zyra të ndryshme sepse nuk ka hapësira për të qëndruar të gjithë në një vend.
Jemi në zyrat e PD, ishim në një ditë pune. Kjo nxitje dhune, ky qëndrim aty si gjeneral i një ushtrie të vdekur, për të marrë përpara përfaqësuesit më të lartë të PD, deputetët e zgjedhur, është e papranueshme dhe duhet të marrin përgjigjen e merituar dhe të plotë për cdo cenim që është bërë. Ndërhyrja duhet të ishte bërë më parë nga policia”, tha Salianji për “News 24”.
g.kosovari
