Shkodra është qyteti i radhës në të cilin ka nisur shpërndarja e materialeve zgjedhore në disa prej qendrave të votimit.
Disa shkolla vijojnë rezistencë, ndonëse ka pasur një urdhëresë nga Ministria e Arsimit për të vënë në dispozicion ambientet e tyre.
Shpërndarja do të bëhet fillimisht pikërisht në ato shkolla që janë të hapura.
Në Velipoje dy shkollat kryesore janë të bllokuara. Edhe në Grudë shkolla është e bllokuar. Ndërsa rezultojnë të lira shkollat Shiroke-Zogaj dhe ish 10 korriku.
Bashkia Shkodër në një njoftim të ngjitur në portat e shkollave njofton se instituticionet do shërbejnë sipas funksionit që kanë të përcaktuar në dokumentin e pronësisë dhe nuk do lejohet të përdoren për asnjë qëllim tjetër.
Ndërsa paralajmëroi se kushdo që guxon të cënojë instituticionet publike do të përgjigjet penalisht.
g.kosovari
