Kreu i PDK-së Nard Ndoka, ka komentuar situatën politike brenda PD, ku ditën e nesërme para selisë së PD do të zhvillohet protesta e thirrur nga Komisioni i Rithemelimit të PD.
Në një intervistë për Ora News, me gazetaren Matilda Mcini, Ndoka është shprehur se Lulzim Basha ka degraduar politikisht dhe moralisht.
Nard Ndoka: Na kishte paralajmëruar Rama se s’keni parë gjë akoma po s’paskemi pas parë gjë akoma te PD, pra nuk e mendoja kurrë se Lulzim Basha do të degradonte, politikisht dhe moralisht deri në këtë pikë.
Nuk e kam menduar asnjëherë këtë. Një parti politike e cila është ngritur me fjalën dhe lirinë si kryefjalë e saj, të degradoj deri në këtë pikë, nuk e mendoja kurrë. Sot Basha është përballë një realiteti që ka shumicën e partisë kundër.
Ndoka thekson se kriza nuk është te PD por te Lulzim Basha, që sipas tij ka marrë peng partinë.
Nard Ndoka: Këtu nuk është problem personal i Berishës, është një krizë e madhe politike dhe morale te Lulzim Basha dhe jot e PD. PD nuk është në krizë si parti, në krizë është Basha, i cili e ka marrë peng partinë.
Nuk e mendoja kurrë që Basha do të shkonte deri të bravat dhe dyert e blinduara. Pra ai po mbron në mënyrë mekanike dhe jo politike./m.j
