Gazetari investigativ, Artan Hoxha ka deklaruar se kreu i sapozgjedhur i SPAK, Arben Kraja, ka qenë hetues në kohën e diktaturës.
I ftuar në emisionin ‘Opinion’, Hoxha ka thënë se Kraja ka një eksperiencë të gjatë dhe është më elokuenti prej të gjithë palëve, qoftë edhe politike.
‘Ky kur ka nisur punën, në ‘87-tën ka mbaruar Fakultetin Ekonomik. Pastaj ka bërë Juridikun. Kraja ka një veçanti, ka një pikë kontakti me këto peshqit e mëdhenj. Nga marsi i 2001 deri në 2002 ai ka qenë drejtor i Strukturës Anti-korrupsion të Ilir Metës, kur ka qenë kryeministër.
Tek çështja me Bashën, ka patur dosjen Durrës-Kukës. Si drejtues ai ka eksperiencë të gjatë, mes këtyre (8 anëtarët e SPAK) ai më duket me elokuenti prej të gjitha palëve, qoftë edhe politike’, ka thënë gazetari Hoxha.
Drejtuesi i Strukturës së Posaçme Anti Korrupsion është drejtuesi administrativ i SPAK dhe ka për kompetencë që t’u caktojë çështjet prokurorëve, bazuar në specializimin e tyre. Kraja do të koordinojë punën me agjensitë e tjera të zbatimit të ligjit dhe ka një luan një rol të rëndësishëm në ngritjen e Byrosë Kombëtare të Hetimit.
