Kreu i Partisë Demokratike, Lulzim Basha, nga Pakuqani ku zhvilloi një takim me qytetarë e biznese në këtë zonë ka ftuar Kryeministrin Edi Rama në një debat televiziv.
Basha tha se Rama ka frikë të përballet me të, pasi sipas tij nuk ka asnjë bilanc dhe nuk ka mbajtur asnjë nga premtimet e dhëna.
“Ka larguar fëmijët në emigracion dhe tani po troket sërish në derë që ky dimër politik të vijojë dhe për katër vite të reja. A mundet ai që nënshkroi legalizimet falas dhe sot janë me mijëra banesa që s’janë legalizuar? Kjo është arsyeja ose nuk përballet dot me njerëzit.
Kjo është arsyeja se ai bredh nëpër Shqipëri dhe nuk i përgjigjet pyetjeve: Ku e ke shëndetësinë falas? Ku i ke legalizimet falas? Kjo është arsyeja e vetme që refuzon debatin. Është e drejta e juaj, është e drejta e çdo qytetari në Europë është të dëgjojë një debat politik me kundërshtarin. Edhe pse trash zërin prapa kamerave, ai është një burracak dhe ka frikë që të përballet me shqiptarët“, tha Basha./ b.h
