Ronaldinho ka konfirmuar se ka rezultuar me koronavirus në testin e bërë. Ish-futbollisti siguroi se është mirë nga ana shëndetësore dhe nuk ka asnjë simptomë të virusit,ndërkohë që braziliani hedh dyshime se është infektuar në një eventë ku Ronaldinho ishte i ftuar.
“Isha i ftuar në një event në Belo Horizonte(Brazil), me siguri aty jam infektuar. Pas testit të bërë rezultova se isha pozitiv me koronavirus. Unë jam mirë, asimptomatik dhe në gjendje normale shëndetësore. Për shkak të situatës së gjendur, do të më duhet të anulloj axhendën e eventeve, por do të kthehem përsëri”.
Tashmë Ronaldinjo është izoluar në Belo Horizonte dhe do të largohet menjëherë pasi të shërohet plotësisht nga COVID-19. Viti 2020 nuk ishte aspak i lehtë për fituesin e Topit të Artë, pasi vetëm pak muaj më parë vuajti dënimin me burg në Paraguaji, përshkak se kishte bërë një udhëtim illegal me një pasaportë false.
g.kosovari
