Vijoi edhe dje protesta e disa artistëve dhe qytetarë të shoqërisë civile, të cilët shprehen kundër ndërtimit të një Teatri të ri Kombëtar në Tiranë. Por, pas dëgjesës së zhvilluar dy ditë më parë, ku disa prej artistëve që morën pjesë shfaqën qëndrimin e tyre pro ndërtimit të një Teatri të ri, artistët protestues u janë hakërryer edhe më keq.
Aktori Alfred Trebicka, i cili në portale u publikua se e kishte quajtur “këllirë” aktorin dhe regjisorin Laert Vasili, pse ky i fundit qe shprehur pro ndërtimit të një Teatri të ri, tha dje pasdite se :
“Dua të siguroj se nesër do t’i ketë me emra bijtë e kurvave sepse këta e njohin mirë njëri-tjetrin. Unë që përmenda termin këllirë dje, nuk përmenda asnjë emër pas kësaj, por sot çuditërisht një gazetar e kishte përcaktuar me emër të përveçëm për cilin e kisha unë, ndërkohë që unë nuk përmenda njeri që filani është kështu, apo filani është ashtu. Ai (gazetari) i kishte rënë në kokë, s’diskutohet”, tha Trebicka.
Më tej, ai vijoi: “Ne duhet të jemi vigjilentë, siç kemi qenë deri tani, sepse bijtë e kurvave veprojnë. Shprehja apo togfjalëshi bir kurve ka edhe një kuptim figurative, se ka bira kurve, po ka edhe bira bira kurve, me atë kuptimin simbolik sepse kush i përcaktoi këta që janë bira kurve?”. /Lexo.al/
