Këtë të hënë u mësua se aktori i humorit Gaz Paja dhe bashkëshortja e tij Ira Seferi u bënë prindër për herë të parë.
I emocionuar nga të qenit prind, gjatë mesnatës mes të hënës dhe të martës, Gazi ka zbuluar emrin e djalit.
Çifti ka vendosur që vogëlushin ta quajnë Dard.
“Mirë se erdhe bir. Në emrin tënd, po falenderoj të gjithë ata që uruan dhe u bënë pjesë e gëzimit tonë. Ka baba Djalë”, shkruan Gazi.
Edhe Ira ka publikuar një foto nga dhuratat që i kanë bërë për vogëlushin, ku shkruan, “Na e mbushe zemrën plot Dard! I bekuar qofsh”.
Kujtojmë se çifti u martuan në fund të muajit qershor, teksa Ira ishte në fillimet e shtatzënisë.
