Bill Gates mund të jetë një nga njerëzit më të pasur në botë, por ai qëndron në radhë për të pritur për një hamburger njësoj si ne. Miliarderi u fotografua teksa po priste në radhë pranë një fast food-i në Seattle përgjatë fundjavës. Manjati amerikan me një pasuri 95.5 miliardë $ kishte veshur një pulovër të kuqërremtë, pantallona gri dhe atletete të zeza, me duar në xhepa duke pritur për hamburgerin e tij.
Vakti që mori Bill Gates kushton 7.68$ dhe përfshin një hamburget me patete dhe pije. Fotoja u publikuar nga një ish-punonjës i Microsoft, që shkruante se njësoj si ne, edhe Bill Gates ha hamburger dhe pi Coca-Cola.
“Ai ka një pasuri gati 100 miliardë, është një prej filantropëve më të mëdhenj në botë, por është duke pritur në radhë për të marrë një burger me patate dhe coca-cola si të gjithë ne. Kështu sillen të pasurit e vërtete dhe jo si figuraxhiu i Shtëpisë së Bardhë“-shkruajti Mike Galos në postimin e tij. Fotoja mori 15,000 pëlqime si në disa orë dhe mbi 12,000 shpërndarje./a.meta
