Në fillim të sezonit, skepticizmi ishte i madh. Bjondi i ardhur nga Empoli nuk ishte pjekur mjaftueshëm për të mbajtur mbi shpatullat trashëgiminë e lënë nga largimi i Leonardo Bonuçi në drejtim të Milanit.
Massimiliano Allegri kurrë nuk u shqetësua për largimin e Leos dhe kurrë nuk shtrëngoi drejtuesit e Juventusit të gjenin një mbrojtës për të zëvendësuar me një emër të madh Bonuçin, pasi e siç duket tashmë, Allegri e kishte kuptuar se në shtëpi kishte dhe zgjidhjne. Duhej eksperiencë, po.
Për këtë Beppe Marotta drejtori sportiv i bardhezinjve udhëtoi drejt Gjermanisë dhe solli nga Schakle 04 Benedikt Hoewdes. Lojtari u dëmtua në nisjen të sezonit dhe vetëm tashmë është gati për tu rikthyer në fushë. Kjo mungesë e vuri edhe më shumë në provë Ruganin, që me Chiellinin në krah janë çifti përfekt për ta kthyer BBC (Barzagli-Bonuçi-Chiellini) në BRC (Barzagli-Rugani-Chiellini). Së bashku me Chiellon, Rugani ka arritur performancën më të mirë, 6 fitore në 6 ndeshje. Rezultatet flasin më shumë se çdo subjektivitet dhe dëshirë e kujtdo. Kështu fakt është se kur Allegri ka zëvendësuar Cheillon me Barzagli, asgjë nuk ka ndryshuar, dy ndeshje, dy fitore. Apo kur në krah të Ruganit ishte Benathia, edhe në këtë rast 1 ndeshje një fitore (3-0) përballë Chievos.
Krahasimi me Bonuçin:
Nëse vijojmë me llogjikën e mësipërme, të numrave dhe fakteve dhe jo dëshirave dhe instiktit, shohim se edhe sezonin e shkuar bjondi me buzëqeshje naive, nuk ishte aspak pas Leonardos. Nëse nuk do të kishte pësuar dmëtimet, që e mbajtën jashtë fushe disa javë, largimi i Leonardo Bonuçit, për t’i hapur vendin Ruganit nuk do të kishte përjetuar zhurmën dhe tërmetin që u ndjeh këtë verë vetëm dhe ekskluzivisht në media dhe në disa tifozë skeptikë.
Madje, ironikisht duke folur, Milan mund edhe të kishte kursyer ndonjë lekë, pasi vlera e Bonuçit në merkato, duke parë dhe moshën e mbrojtësit, 30-vjeç, do të ishte më e vogël se 42 milionë euro. Kjo duke analizuar dhe koston që do i duhej Juventusit për ta zëvendësuar ishte thuajse 0,
Rugani ishte gati. Por Juventusi luajti me zgjuarsi dhe kurajo. Vlera Bonuçit u mbajt e lartë dhe karta Rugani nuk u zbulua menjëherë. Lojtari që sezonin e shkuar mbeti 40 ditë jashtë fushe, kur në shtatorin 2016, gjatë ndeshjes në Palermo pësojë një dëmtim në gju, duke e kthyer sezonin e mbrojtësit të qëndrës në një udhëtim të mbushur me drita dhe hije. Por ajo që është më e rëndësishme. Rugani është prej tre vitesh tek Juventus, ndërkohë që është vetëm 23-vjeç. Në këtë moshë, Bonuçi debutonte në Seria A dhe ishte rezervë tek Bari.
Lojtari i muajit:
Këtë muaj që sapo mbyllëm Rugani u përzgjodh në formacionin më të mirë të tetorit. Kjo për shkak dhe të rezultateve të arritura me bardhezinjtë, të cilët pas një nisje pak të turbullt të muajit arritën të ngjiten në vendin e dytë dhe të jenë vetëm një pik larg Napolit.
/ATSH/
