Duhej që të ndodhte edhe kjo. Juventusi do t’i duhet te paguajë 400 mijë euro dëmshpërblimi organizatoreve te nje feste, qe ish planifikuar pas finales. Ne fakt nuk u be pas humbjes në finale nga Real Madridi.
Vetëbesimi ishte i madh te Juventusi para finales së Ligës së Kampionëve, siç ka thënë kapiteni, Gianluigi Buffon “ndoshta edhe i tepruar”, transmeton Gazeta Express.
Besoni ose jo, Juve, që fituan Scudetton dhe Kupën e Italisë, ishin bërë gati të festonin tripletën, për herë të parë në histori të klubit. “Football-Italia” raporton se klubi kishte organizuar një festë të madhe që do t’i kushtonte më shumë se një milionë euro, për të festuar triumfin në Champions.
Por, edhe një herë ëndrra për të triumfuar pas 21 viteve, u shua, kësaj radhe nga Real Madridi, që e mposhti “Zonjën e Vjetër” 4:1, me dy golat e Cristiano Ronaldos, një nga Casemiro dhe tjetri nga Marco Asensio që shënoi në minutat e fundit të ndeshjes.
Pas humbjes nga Real Madridi, Juve u detyrua të anulojë festën e organizuar në Torino dhe shuma prej 400 mijë eurove që ishte lënë për rezervimin, nuk do mund t’i kthehet, përgatiti ”Gazeta Express”. (b.an)
