Juventusi ka marrë humbjen e parë në Champions League, duke u mposhtur në Itali 1-2 edhe pse ishin në avantazh deri 2 minuta para fundit.
Ronaldo u rikthye me gol pas pezullimit në ndeshjen ndaj Valencias, duke shënuar në minutën e 65-të, por kur të gjithë menduan se Juventusi do të regjistronte fitoren e katërt në po kaq takimi, ndodhi përmbysja e madhe.
Dy minuta para fundit, spanjolli Mata barazoi shifrat, ndërsa më pas një autogol i Sandros i dhanë 3 pikët Manchester United.
Pavarësisht kësaj humbjeje, Juventusi mban vendin e parë me 9 pikë, ndërsa Manchester me 7 pikë e në vendin e tretë renditet Valencia me 5 pikë.
Fitore tenistike arriti Manchester City, që mposhti 6-0 Shakhtar Donetsk. Fitore të thellë arriti dhe Reali i Madridit, që mposhti 5-0 Viktoria Plzen.
Fitore komode mori Bayern Munich, 2-0 ndaj AEK Athens, ndërkohë që takimi Lyon-Hoffenhaim u mbyll në barazim 2-2. Në shifra të barabarta u mbyll edhe takimi mes Benfika e Ajax, i cili përfundoi 1-1.
a.ç
