Juventusi ishte duke negociuar me Milanin dhe ekipe të tjera për shitjen e Merih Demiral, mbrojtësit turk që u transferua nga Sassuolo gjatë kësaj merkatoje verore për thuajse 18 mln euro, por gjithçka është ndalur.
Motivi ka të bëjë me kondicionin fizik të Giorgio Chiellinit, duke qenë se ky i fundit ka pësuar një tjetër dëmtim në pulpë, që tashmë është kthyer vend kronik, ndaj edhe stafi mjekësor nuk jep garanci për sezonin në vazhdim.
Duke qenë se bardhezinjtë kanë disa kompeticione për të luajtur, mes tyre kampionatin, Champions, por edhe Kupën e Italisë dhe finalen e Superkupës së Italisë, vetëm Bonuçi, De Ligt dhe Rugani nuk mjaftojnë, ndaj edhe Demiral duhet.
Veç kësaj, bardhezinjtë duan të paktën 40 mln euro për kartonin e tij dhe nuk zbresin nga ky pretendim.
