UEFA ka shpallur sot fituesin për golin e vitit dhe pas votimit është zgjedhur ‘perla’ e Cristiano Ronaldo-s.
Futbollisti portugez e realizoi këtë supergol në ndeshjen çerekfinale të “Champions League” kundër Juventusit, skuadrës që është transferuar këtë verë nga Real Madrid për 100 mln euro.
Goli i 33-vjeçarit ka marrë 197, 496 vota, ndërsa vendi i dytë, Dimitri Payet, me magjinë e tij kundër Leipzing në çerekfinale të “Europa League”, ka marrë 35, 3558 vota.
Podiumin e mbyll futbollistja Eva Navarro, spanjollja që ndëshkoi Gjermaninë në Kampionatin Europian U-17. Për të kanë shkuar 23, 558 vota.
Kthehemi te vendi i parë pasi Juvventus i ka bërë një dedikim të veçantë Ronaldos. Në rrjetet sociale ‘zonja e vjetër’ ka shkruar: “Urime Cristiano Ronaldo. Goli i sezonit nga UEFA është i yti.”
Nuk ka vonuar dhe ka ardhur edhe reagimi i Cristiano Ronaldos. Me një status në rrjetet sociale futbollisti ka shkruar: “Faleminderit të gjithëve që votuat për mua. Nuk do ta harroj kurrë këtë moment, veçanërisht për reagimin e tifozëve në stadium.”/a.ç
