Juventusi është hakmarrë kundër Interit, duke e mundur me rezultatin 1-2 në gjysmëfinalen e parë të Kupës së Italisë. Bardhezinjtë ia dolën me përmbysje dhe ishte Cristiano Ronaldo autori i të dy golave.
Interi e nisi mirë, duke realizuar i pari me të zakonshmin Lautaro Martinez. Argjentinasi, në mungesë të Romelu Lukakut, ishte sulmuesi kryesor në skuadrën e Antonio Contes.
Ai shënoi që në minutën e nëntë, pas një pasimi të Barella brenda zone. Festa nuk zgjati shumë, pasi me ndihmën e VAR arbitri sinjalizoi për një penallti në minutën e 26-të. Portugezi Ronaldo vendosi baraspeshën.
Nëntë minuta më pas sulmuesi shfrytëzoi një gabim të interistëve dhe realizoi edhe golin e dytë, duke realizuar golin numër 762 për të në karrierë. Rekord që përmirësohet, por CR7 në momentin e zëvendësimit u pa i tërbuar.
Real Madrid në krahun tjetër nuk ngurroi ta urojë si shënuesin më të mirë në historinë e tyre dhe në gjithë historinë e futbollit.
