Rruga drejt çerekfinaleve të Champions League është kthyer në një malore të vërtetë për Juventusin. Përveçse i duhet të fitojë (ose të barazojë me shumë gola) në “Allianz Arena” kundër Bayern, Massimiliano Allegri duhet të llogaritë edhe mungesat. Komunikata zyrtare nga klubi kampion i Italisë ka bërë të ditur se Paulo Dybala dhe Claudio Marchisio nuk do të jenë në Munih, ashtu si Giorgio Chiellini, ndërkohë që në dyshim është Mario Mandzukiç.
Marchisio, i cili ka pësuar një tërheqje në pulpë dhe do të mungojë e pakta tri javë. Dybala ka të njëjtën gjë, veçse në një shkallë më të lehtë dhe mbetet për t’u parë nëse do të jetë gati për derbin me Torinon, në fundjavë.
Sulmuesi kroat ka probleme në muskujt e rrëzës së kofshës dhe do të pritet deri në momentet e fundit para takimit të nesërm nëse mund të luajë.
shës.
