Massimiliano Allegri ka filluar që tani të mendojë për sezonin e ardhshëm.
Pas rionovimit të kontratës me “Zonjën e Vjetër” deri në vitin 2018, Massimiliano Allegri, pritet të vendosë se kush do të largohet e kush do të transferohet në Torino.
Drejtuesit e klubit italian kanë lënë gjithçka në dorë të Allegrit, sa i përket transferimeve të lojtarëve për sezonin tjetër, shkruan Corriere dello Sport.
E përditshmja italiane shkruan se Allegri menjëherë është vënë në kërkim të një mbrojtësi të djathtë, për ta zëvendësuar Lichtsteinerin.
Sipas Corriere dello Sport, Allegri e pëlqen shumë të riun e Milanit, Mattia De Sciglio, të cilin do të tentojë ta transferojë gjatë verës.
Përveç De Sciglio, Allegri kërkon edhe Montolivon, për ta zëvendësuar të lënduarin Marchisio, i cili nuk do të rikthehet deri në fund të këtij viti./a.m.
