Juventusi duket se ka hequr dorë nga transferimi i yllit të ri të Monacos, Kylian Mbappe, i cili po kërkohet nga klubet e mëdha si PSG, Real Madrid, Barcelona, Bayern, Man Utd dhe Man City.
Por, sipas La Stampa, drejtuesit e Juventusit janë hedhur në sulm për ta transferuar sulmuesin e ri të Lazios, Keita Balde.
La Stampa shkruan se juventinët kanë nisur kontaktet me menaxherin e sulmuesit të Lazios, Roberto Calenda.
Keita ka kontratë me Lazion deri në vitin 2018 dhe nuk ka ndërmendë të vazhdojë bashkëpunimin me ekipin romak.
Kjo i jep shpresë Juves që gjatë verës ta sjell Balden në Torino. /a.m.
