Alvaro Morata ka shënuar golin e fitores në derbin kundër Interit.
Kampioni i Italisë, Juventus ka shënuar fitore në derbin kundër Interit me rezultat 2:1, duke përmbysur rezultatin.
Ndeshja ka qenë e barabartë gjatë tërë kohës, por vendimtare në këtë takim ishte një pakujdesi e portierit Handanovic, i cili pësoi një gol shumë të lehtë nga Morata.
Interi kaloi e para në epërsi në minutën e 9’të me golin e Icardit, ndërsa Juve e barazoi rezultatin në 1:1 me golin e Marchisios në minutën e 42’të nga pika e bardhë.
Golin e dytë dhe të fitores për Juventusin e shënoi sulmuesi i ri spanjoll, Alvaro Morata në minutën e 83’të.
Kjo humbje zvogëlon gjasat e Interit për të siguruar një pozitë që dërgon në Europa League.
