Sekretarja e shtypit e Shtëpisë së Bardhë, Jen Psaki u tha gazetarëve se thirrja e parë e udhëheqësit botëror të Presidentit Joe Biden do t’i drejtohet Kryeministrit të Kanadasë, Justin Trudeau, raporton CNBC.
“Thirrja e tij e parë, thirrja e udhëheqësit të huaj do të jetë të Premten me Kryeministrin Trudeau. Unë pres që ata me siguri do të diskutojnë marrëdhëniet e rëndësishme me Kanadanë, si dhe vendimin e tij mbi tubacionin Keystone që ne njoftuam sot,” – tha ajo gjatë konferencës së saj të parë për shtyp në Shtëpinë e Bardhë pas inaugurimit të Biden.
Biden revokoi zyrtarisht lejen presidenciale që administrata Trump i dha projektit të diskutueshëm të tubacionit ndërkufitar të naftës. Sekretarja e shtypit shtoi se Biden ka të ngjarë të ketë përparësi duke folur me aleatët e SHBA.
“Unë do të prisja që thirrjet e tij të hershme do të ishin me partnerë dhe aleatë. Ai mendon se është e rëndësishme për të rindërtuar ato marrëdhënie dhe për të adresuar sfidat dhe kërcënimet me të cilat po përballemi në botë.”- tha ajo.
Psaki u pyet gjithashtu nëse Biden do të flasë me presidentin rus , Vladimir Putin, dhe nëse ata do të diskutojnë marrëdhëniet midis dy vendeve dhe sulmit ndaj SolarWinds. Rusët ishin me të vërtetë mbrapa sulmit që prishi rrjetet e qeverisë amerikan, sipas një deklarate të përbashkët nga disa agjenci amerikane përfshirë FBI dhe Agjencinë e Sigurisë Kombëtare.
“Unë nuk kam ndonjë plan… të lexoj për ju në lidhje me një telefonatë me Presidentin Putin,” – tha ajo.
g.kosovari
