Një parashutist rus, i cili ka dënuar publikisht luftën e vendit të tij në Ukrainë, ka deklaruar se justifikimi i Kremlinit për pushtimin e Ukrainës “është një gënjeshtër”.
Dy javë më parë, Pavel Filatyev foli kundër konfliktit në një dëshmi prej 141 faqesh të postuar në faqen e tij të medias sociale VKontakte, më pas u largua nga Rusia.
Tani ai i thotë CNN se kolegët e tij janë të lodhur, të uritur dhe të zhgënjyer dhe se përpjekja luftarake e Kremlinit po “shkatërron jetën e njerëzve”.
“Ne e kuptuam se u tërhoqëm zvarrë në një konflikt serioz, ku ne thjesht po shkatërrojmë qytete dhe në fakt nuk po çlirojmë askënd,” i tha Filatyev Mattheë Chance të CNN.
“Qeveria jonë nuk po jep arsye pse kjo luftë po ndodh dhe shumë nga ne e kanë kuptuar se e gjithë kjo është një gënjeshtër,” tha ai.
“Ne thjesht po shkatërrojmë paqen. Kjo ndjenjë se nuk po bëjmë asgjë të mirë, ndikoi jashtëzakonisht shumë në moralin tonë. ”
Filatyev, 33, tha për CNN se “korrupsioni” dhe represioni janë të përhapura në vendin e tij dhe se njësia e tij, e cila ishte me bazë në Krime dhe e dërguar në Ukrainë duke hyrë në Kherson në fillim të konfliktit, ishte e pajisur keq dhe i ishte dhënë pak shpjegime për pushtimin e Ukrainës.
/e.d
