Ata që udhëhoqën fushatën e Britanisë së Madhe për t’u larguar nga Bashkimi Evropian e lanë anijen duke provuar se nuk janë patriotë, deklaroi sot presidenti i Komisionit Evropian, Jean-Claude Juncker, i cili e drejtoi gishtin ndaj Boris Johnson dhe Nigel Farage.
Ish-kryetari i bashkisë së Londrës, Johnson dhe Farage, eurodeputet dhe lider i UKIP-it ishin dy figurat kryesore për largimin e Londrës nga BE-ja. Johnson vendosi të mos zëvendësojë kryeministrin David Cameron, ndërsa Farage dha dorëheqjen si lider i partisë.
“Heronjtë e djeshëm të Brexit janë sot heronj tragjikë”, theksoi Juncker gjatë një sesioni parlamentar të Parlamentit Evropian në Strasburg.
“Patriotët nuk e lënë anijen kur situata vështirësohet”, shtoi ai.
“Nuk e kuptoj pse kampi Brexit ka nevojë për muaj të tërë përpara se të dinë se çfarë të bëjnë. Mensoj se ata duhet ta kishin një plan. Në vend që të merren me plane, ata po i largohen anijes”, deklaroi presidenti i Komisionit Evropian, Jean-Claude Juncker./a.m.
