Anëtari i Këshillit Kombëtar të PD, Julian Deda u shpreh pak para nisjes së protestës të opozitës, se qeveria po merr çdo lloj mase për të parandaluar një protestë paqësore.
Deda u shpreh se protestat do të vazhdojnë për të “vënë me shpatulla pas muri këtë mazhorancë”.
“Unë them atë që ndiej për këtë protestë, mendoj se unë kam ndjesi shumë të mira, pjesëmarrja do të jetë masive. Qytetarët po mblidhen në disa pika. Është krejt normale që në të protestojmë sot pas kaq viteve me këtë shtet grasosh, shteti të rrëshket nga duart, sikur ti merrte këto masa kundër krimit do ishim krejt ndryshe sot.
Kundër kujt po i merr këto masa? Shikoj policët që po ngrohen në diell, jemi në një shtet që merr në çdo masë për të parandaluar një protestë paqësore dhe nuk merr masa që ti rrisë mirëqënien këtij vendi, është normale që të protestohet. A ka konsum ky vend, ky kryeministër?
Si mund ti besosh shumicën socialiste, njerëzit po dalin të shprehin dufin e vet si e interpretojnë ata janë mjeshtra për ta bërë fikun molë. Sot e di që është vendimi po për ne ka pak rëndësi. Këtu nuk jemi për të bërë presion por për të vazhduar një seri protestash revolucioni me të cilat ne mendojmë që do ta vëmë me shpatulla pas muri këtë mazhorancë.
I ke kudo nëpër mediat, rrugë njerëzit, që vetëm kanë ankesa për paga të ulëta, gjoba. Ideja është që ca do bëjmë, do rrimë ta shohim nga kafja? Jo, ne do të protestojmë se këta e marrin për presion, po se di ca presioni është ky.
Vendimin e ka dhënë shumica e demokratëve që është Berisha, shumica vendosi për statutin e ri të PD, gjykata ti bindet shumicës.
McGonigal është maja e ajsbergut të korrupsionit të kësaj qeverie, poshtë McGonigal ka një rrjet të tërë që vetëm zhvasin njerëzit. Në një shtet demokratik protestat duhet të jenë paqësore, por në një shtet që do të ushtrojë dhunë mbi ty, ti si do të përgjigjesh”, tha Deda.
/s.f
