Ju prezantojmë “Tomorrowland-in” e Shqipërisë, ja se çbëhet
“Turtle Fest” tashmë në edicionin e tij të katërt vazhdon të zhvillohet si Festivali më i madh dhe më popullor veror që bashkon për tre ditë dhe tre net D.j. më të rëndësishëm të skenës Alternative Europiane dhe Shqiptare.
Festivali është një aventurë verore e cila ndërthur muzikën, kampingun, plazhin dhe turizmit bregdetar në tërësi.
Ky aktivitet zhvillohet në jug të Shqipërisë, përkatësisht në plazhin përrallor të Drymadesit/Dhërmi.
Në tre ditë do të keni mundësinë të ndiqni rryma nga më të ndryshmet por mbi të gjitha të kaloni momente të paharrueshme me njerëz, të cilët ndajnë shije dhe vizione të përbashkëta mbi muzikën.
“Turtle Fest” e sheh suksesin e tij pikërisht tek dashuria për muzikën dhe energjia pozitive që duhet të mbizotëroje mes njerëzve. Janë këto dy përbërës që krijojnë momente të paharrueshme dhe dëshirë për të ec gjithnjë përpara.
Turtle Fest 2015 do të fillojë rrugëtimin e tij më 31 korrik dhe do ta mbarojë më 2 gusht, ndërsa fillon në orën 22:00 të çdo mbrëmje.
