Njëqind imigrantë të bllokuar në Serbi janë nisur në të ftohtë dhe në shi drejt kufirit kroat, me shpresën për të hyrë në Bashkimin Evropian, theksoi sot një fotograf.
Të drejtuar nga policia, ata ishin 150, kryesisht të rinj të ardhur nga Pakistani dhe Afganistani, për të lënë Beogradin. Ata u nisën në këmbë drejt autostradës që lë kryeqytetin serb në drejtim të kufirit me Kroacinë, distancë prej rreth 120 kilometrash.
Në muajin tetor, të tilla marshime u zhvilluan në drejtim të Hungarisë, para se imigrantët të hiqnin dorë dhe të riktheheshin në Beograd.
Imigrantët mbanin banderola ku shkruhej “Ju lutem, hapni kufijtë!” ose “Ndalni luftën!”.
Numri i imigrantëve të bllokuar në Serbi është rritur që kur Hungaria miratoi në fillim të muajit korrik një ligj që mundësonte kthimin në kufi të imigrantëve të ndaluar në një rreze prej tetë kilometrash nga territori i saj.
Sipas shifrave të 1 nëntorit nga Komisariati i Lartë për Refugjatët (HCR) të Kombeve të Bashkuara, 6 300 imigrantë ndodhen të bllokuar aktualisht në Serbi.
Sipas autoriteteve serbe, më shumë se 100 000 imigrantë janë regjistruar në vend që prej fillimit të vitit./
