Ministri i Drejtësisë Gazmend Bardhi, i cili u emëruar si propozim i PD-së pas marrëveshjes mes kryeministrit Edi Rama dhe kreut të PD-së Lulzim Basha, vetëm 10 ditë më parë ka emëruar si Drejtor të Shërbimit të Kontrollit të Brendshëm (SHKB) në Drejtorinë e Burgjeve, Denion Meidanin.
Djali i ish-presidentit Rexhep Meidani ka mbajtur edhe më parë këtë post, nga viti 2012 deri në vitin 2013, ku ai u larguar nga kjo detyrë. Express mëson se largimi i Denion Meidanit nga posti që mbante, erdhi si pasojë e arratisjes së bujshme nga burgi i Drenovës me 23 nëntor të 2013, ku 7 të burgosur mundën të largoheshin nga qelia, mes tyre edhe Admir Tafili, kreu i bandës së vrasësve me pagesë.
Pas kësaj ngjarje, Meidani u largua nga detyra, për t’u emëruar vetëm 10 ditë më parë në të njëjtin post, nga ministri i ri teknik Bardhi. Meidani ka mbajtur më parë edhe postin e kreut të Antikontrabandës në Drejtorinë e Doganave, ku pas një konflikti që pati me Drejtoreshën e këtij institucioni, Elisa Spiropalin, ai u shkarkua nga kjo detyrë.
Nuk dihet se çfarë kriteresh ka përmbushur Meidani për t’u emëruar edhe një herë nga një detyrë që ishte larguar më parë, ndërsa emërimi i tij është mbajtur në diskrecion për të mos dalë në media.
ma.me
