Postimet e Jozefina Topallit, që i rikthehen viteve apo “epokës” së PD-së po bëhen gjithnjë e më të shpeshta, por a janë këto mesazhe që evokojnë ndjesitë e dikurshme të ish nënkryetares së PD-së, apo një sinjal për kryetarin e sotëm Lulzim Basha, këtë vetë deputetja nuk e ka thënë asnjëherë qartë me zë e figurë.
Disa ditë më parë, ajo postoi një foto të viteve 98’ me mbishkrimin “kur bëhej opozitë”, ndërsa sot ka postuar një video të hedhur në vitin 2013 nga kolegu i saj, deputeti Gent Strazimiri, që ka në përbërje një sërë arritjesh të kohës kur vendi qeverisej nga PD.
“Nostalgji dhe pak histori, per te kujtuar nga vijme e sa kemi ecur, e per te mos harruar per ku jemi nisur…! Material i fushates se 2007, me momentet me emocionuese te opozites 2003, fushates dhe qeverisjes 2005, 2006, 2007! Ne jemi NDRYSHIMI! Perpara!”- shkruante Strazimiri në postimin e kësaj videoje./java/a.k
