Lulzim Basha ka pranuar më në fund që presidenti i Partive Popullore Europiane, Jozef Daul, të bëjë një video-konferencë me grupin parlamentar të Partisë Demokratike në orën 18: 30, pasi grupi të mblidhet në orën 18:00.
Dorëzimi i Bashës ka ardhur pas paralajmërimve të ashpra nga Brukseli, se PD do të izolohet dhe përjashtohet nga Partitë Popullore Europiane, nëse nuk i jep fund bojkotit të zgjedhjeve dhe atij të parlamentit.
Një ditë më parë, Basha e ka kundërshtuar video-konferencën, duke e quajtur si poshtërim të tij, ndërsa sot ka pranuar të bëhet, me kusht që të transmetohet live dhe në TV, me sa duket për të justifikuar një kthesë të mundshme që mund të marrë situata pas kësaj.
Video-konferenca është kërkuar në Bruksel prej deputetëve kritikë me Bashën, të cilët ishin të shqetësuar që Basha nuk po konsultohej me deputetët për vendimin e bojkotit dhe po i dizinformonte ata për raportet katastrofike të PD me Brukselin, për këtë shkak.
ma.me
