Jolanda Dhamo këngëtarja e njohur e festivaleve ka rrëfyer detaje nga jeta e saj në emisionin “Rudina” pasditen e djeshme. Ajo ka treguar mes të tjerash, e ngacmuar edhe nga Rudina Magjistari se si është raporti i saj me këngëtaren Parashqevi Simaku, për të cilën pak vite më parë ishte ajo që tregoi se këngëtarja kishte pësuar një paralizë faciale.
Jolanda ka treguar se deklarata e saj u keqkuptua atë kohë dhe tregon se si nga shoqe të ngushta tani nuk ka më marrëdhënie me Parashqevine.
“Jo, ne nuk kemi folur më që atëherë…” tha ajo, duke shtuar se “tani ka informacione që Parashqevia është shumë mirë bashkë me djalin 12-vjeçar në Çikago. Për mua Parashqevia është një zonjë e madhe”.
Rudina e pyet përse nuk flasin dhe a ndodhur kjo pas deklaratës së Jolandës për paralizën faciale.
“Jo, jo, ajo ishte një keqkuptim. Nuk është se nuk flasim. Nuk kemi asnjë lidhje më për arsyet e saj. Ajo është tërhequr për arsyet e saj. Në atë kohë pati shumë abuzime me lajmet që u shpërndanë “Jolanda e bëri për famë”, “Jolanda e zbuloi…”, “Jolanda tha kështu….” Ҫfarë bëra unë e shkreta? Unë thashë vetëm që është mikesha ime, ka pësuar një paralizë parciale. Tani është mirë. Kaq….”
Ajo tregon se Parashqevia nuk vinte nga familje e pasur dhe duke qenë nga kavaja ka ndenjur gjatë në shtëpinë e saj në Tiranë. “Unë e kam pasur shumë shoqe, është shumë e mirë. Parashqevia është rritur në shtëpinë time. Vinte nga një familje jo shumë e pasur dhe kemi kaluar kohë të bukura. Mbaj mend në fillimet tona, linim edhe takime për ta bërë rrugën bashkë, ajo nga Kavaja, unë nga Durrësi, për Tiranë…., e linim takohemi në këtë vagon”
Në fund ajo iu drejtua edhe me një mesazh: “Është shumë e mirë. Dua ta dijë që është mikja ime më e mirë. I uroj fat e mbarësi. Më vjen shumë keq që nuk kthehet, sepse ashtu siç i mungon ajo Shqipërisë, edhe asaj i mungon Shqipëria.
ma.me
