Kryeministri i Britanisë së Madhe, Boris Johnson, propozon që vendi të zhvillojë zgjedhje më 12 dhjtor. Gjatë një deklarate televizive, ai tha se do t’i kërkojë Parlamentit të japë aprovimin për zgjedhje kombëtare,si pjesë e përpjekjeve të tij për të siguruar që Britania të largohej nga Bashkimi Evropian.
“Mënyra për ta realizuar Brexitin është, mendoj, të qenurit i arsyeshëm me Parlamentin. Nëse ata vërtet duan më shumë kohë për të studiuar këtë marrëveshje të shkëlqyer, ata mund ta kenë atë, por së pari duhet të bien dakord për zgjedhje të përgjithshme në 12 dhjetor”, u shpreh Johnson.
