“Ish-presidenti Donald Trump mezi e dinte se ku ishte Ukraina”, kështu deklaroi ish-këshilltari i tij për Sigurinë Kombëtare, John Bolton, gjatë një interviste të dhënë për Newsmax.
“Pothuajse në çdo rast që u vendosën sanksione, Trump ankohej duke thënë se ne ishim shumë të ashpër”, shtoi Bolton.
Ai vijoi rrëfimin e tij duke thënë se një herë ish-presidenti pyeti shefin e dytë të Shtabit të Përgjithshëm, John Kelly, nëse Finlanda ishte pjesë e Rusisë.
“Ne nuk e sanksionuam Nord Stream 2. Duhet ta kishim bërë. Duhet ta kishim çuar deri në fund projektin. Ne vendosëm sanksione ndaj oligarkëve rusë dhe disa të tjerëve për shkak të shitjes së tyre të sistemeve anti-ajrore S-400 në vende të tjera. Por pothuajse në çdo rast, sanksionet u vendosën me Trump që ankohej për këtë, duke thënë se ne ishim shumë të ashpër.”
Bolton shtoi se ‘nuk është e saktë të thuhet se sjellja e Trump në njëfarë mënyre i pengoi rusët’, duke rrëzuar deklaratat e ish-presidentit të shtunën se vetëm gjatë kohës së tij Rusia nuk mundi të pushtonte asnjë vend.
“Unë qëndroj si i vetmi president i shekullit të 21-të, në kohën e të cilit Rusia nuk pushtoi. Në kohën e Bushit, Rusia pushtoi Gjeorgjinë. Nën Obamën, Rusia mori Krimenë. Nën Biden, Rusia pushtoi Ukrainën”, u mburr përpara përkrahësve të tij Trump.
Sipas Bolton arsyeja se përse Rusia nuk e pushtoi Ukrainën gjatë kohës së Trump është pasi forcat e saja ushtarake nuk ishin ende gati.
/a.r
