Joao Cancelo i ka kushtuar një dedikim shokut të tij të skuadrës në Juventus dhe në Portugali. “Barcelona pa Lionel Messi fiton 5-1, por Real Madridi pa Cristiano Ronaldon humbet”
Portugezi ishte në huazim në Inter sezonin e kaluar, po u ble nga Juventusi në verë derisa ka pasur një paraqitje të mirë në Serie A. “Çdo ditë stërvitem me Cristiano Ronaldon kurse ai deri me tani ka fituar pesë herë Topin e Artë”, ka thënë Cancelo për Sky Sport Italia.
“Nëse Cristiano nuk dëshiron që të fitojë këtë vit, do të ishte e jashtëzakonshme. Ai është më i miri nga të gjithë dhe sezonin e kaluar ai tregoi se është një lojtar vendimtar në krahasim me të tjerët”. Shoku i skuadrës se Ronaldos në Real Madrid, Luka Modric është favorit, kryesisht sepse ai arriti në finale me Kroacinë në Botëror.
“Topi i Artë nuk duhet të vendoset nga Botërori, sepse kjo garë mund të fitohet nga ndonjë Kombëtare me pak ndeshje. Nëse keni lindur në Francë, Gjermani apo Brazil, është e qartë që herët apo vonë do ta fitoni një Botëror. Duke parë Portugalinë që fitojë Euro 2016, kjo tregon një arritje të rrallë në futboll”.“Cristiano e fitojë Ligën e Kampionëve pasi që ishte një protagonist, shënoi 15 gola. Kur ai luajti për një skuadër, ajo skuadër u bë më e mira. Prova është rezultati i El Clasicos së fundit.
Barcelona pa Lionel Messi fitoi 5-1, por Real Madridi pa Cristiano Ronaldon humbi 5-1. Ky është dallimi”.“Po flasim për një lojtar i cili bën diferencën kudo që ai shkon sepse ai është ndryshe nga të gjithë të tjerët. Kur ai erdhi në Juventus, ai jo vetëm që e rriti nivelin e skuadrës, por po ashtu edhe nivelin e shokëve të tij të skuadrës”.
“E shikoni, miliona njerëz mund të ju shohin gjatë një ndeshje, por çfarë ai bën në stërvitje është një spektakël që vetëm pak njerëz e kanë këtë kënaqësi ta shohin. Duke parë mënyrën si ai punon, ju bën juve që të punoni më shumë dhe më mirë. Ai nuk lejon që ti dilni përpara, edhe pse është lojtari më i mirë në botë”.
“Juventusi ka qenë gjithmonë një klub i madh, por tani me Cristianon, ata janë transformuar në sy të kundërshtarëve dhe janë favorit për ta fituar Ligën e Kampionëve. Cristiano është i lindur për të fituar dhe do ti ndihmojë ekipin që ta bënë këtë”, përgatiti ”GazetaExpress”. (b.an)
