Në emisionin argëtues të DritareTv, “U Tha, U Bë!”, ishte regjisori i mirënjohur Jonid Jorgji, i cili u rikthye në vëmendjen e publikut me prodhimin e tij kinematografik të sapo-lancuar: “2 Luanë drejt Venecias”.
Një film ky dy rolet kryesore luhen nga dy artiste mjaft të pëlqyer të skenës shqiptare, Kastriot Çaushi dhe Vasjan Lami. Në qendër të ngjarjes janë dy kineastë shqiptarë rreth të 60-tave, të cilët bashkë me filmin e tyre nisin rrugën drejt Festivalit Kinematografik të Venecias.
Jonidi nuk ngurroi aspak të ndante me moderatorët dhe shikuesit vështirësitë në realizimin e filmit, i cili si pasojë e rrethanave, arriti të prodhohej falë një bashkëpunimi ndërkombëtar, ku në realizimin e tij morën pjesë plot 5 kompani produksioni.
Jonidi u shpresh se: “Si pasojë e kërkesës së filmit për një buxhet të madh financiar, ne u detyruam që të kërkonim “ndihmë” nga kompani të tjera kinematografike, si shqiptare ashtu dhe italiane, lidhur me financimin e filmit, por jo vetëm.”
Gjithashtu, regjisori dhe skenaristi i filmit citoi se ky faktor sa shërbente si një shtysë në përmirësimin e projektit, ashtu nganjëherë dhe “pengonte”, por rezultati mbetet shumë i mire: “Unë dhe stafi im bëmë një punë goxha të madhe, një punë voluminoze dhe duke bashkuar forcat si me profesionistë shqiptar, ashtu dhe të huaj, nxorëm një film, i cili të paktën në imazh dhe në shumë komponentë të tjerë i afrohet filmave evropianë. Bashkërenduam të gjitha punët tona duke arritur në zhvillimin e një pune më frytdhënëse.”
Lidhur me premierën e filmit, e zhvilluar në Amfiteatrin e Tiranës, por dhe me shfaqjen e prodhimit filmik e në ditët në vazhdim, Jonidi, i pyetur nga moderatorët për feedback-un e marrë nga publiku tha se: “Në momentin që premiera u shfaq, e cila priti një publik goxha të madh, unë mora një feedback të mirë, plot fjalë positive dhe vlerësime. Kjo gjë më kënaqi shumë, më dha sadisfaksion të madh.”
Gjatë shkrimit të skenarit dhe krijimit të subjektit kryesor të filmit, regjisori pohoi se aktorët i kishte të “paracaktuar” në mendje se kush do të ishin dhe cilët personazhe do të portretizonin në ekran, por e gjitha varej nga pranimi i tyre për t’u bërë pjesë e kastit. Anticipim i cili nuk zgjati shumë, pasi një pjesë e mirë e emrave që ne shohim në titrat e fundit të filmit, pranuan menjëherë t’i bashkohen ekipit.
Jonidi zbuloi një sekret me moderatorët duke thënë se: “Ky ishte një film i cili ka nisur si prodhim tre vite para COVID-19, duke u përfunduar para dy vitesh. Me përfundimin e post-produksionit në Çeki, ditët e para të Marsit 2020, premiera u planifikua për nga mesi ose fund i këtij muaji, muaj kur çdo gjë u mbyll për ne. Filmi mbeti në ajër për një kohë shumë gjatë dhe si pasojë e masave që shtete të ndryshme kishin, ne e shihnim filmin të shkonte nga një postë në tjetrën, duke e gjurmuar si pako. Më në fund ai mbërriti te ne në verë.”
Përsa i përket vlerësimit dhe pjesëmarrjes së filmit në fesivale ndërkombëtare Jonidi rrëfeu se kjo gjë nuk mund të parashikohet, por gjithsesi, ekipi i tij është duke punuar sa më fort që ky prodhim kinematografik të marr vëmendjen e duhur./m.j
