Jo të gjithë do ta presin në shtëpi ndërrimin e viteve. Të sëmurët me viroza gripale janë shtuar. Rreth 14 mijë persona në javë kërkojnë ndihmën e mjekut.
Më të prekurit janë fëmijët. Rreth 400 raste në ditë paraqiten në urgjencën e pediatrisë në Qendrën Spitalore “Nënë Tereza” në Tiranë dhe disave iu duhet të qëndrojnë në spital.
Simptomat e gripit sipas mjekëve janë temperaturë e lartë, bllokimi i rrugëve të frymëmarrjes, kollë e shpesh dhimbje trupi.
Vonesat në mjekim mund të shkaktojnë komplikacione megjithatë bluzat e bardha apelojnë mospërdorim të ilaçeve pa rekomandimin e tyre.
Ndërkohë që thonë se virozat kulmin pritet ta shënojnë ne muajt janar-shkurt./express/a.k
