Në një deklaratë të përbashkët me shkrim, kryeministrja italiane Giorgia Meloni dhe homologia e saj daneze Mette Frederiksen folën kundër “imigracionit të pakontrolluar”, që ka “efekte pozitive në shoqëri”.
Në mesazhin e tyre, të postuar në mediat sociale nga të vetmet dy kryeministra femra në vendet e BE-së, ato theksuan se “askush nuk mund t’i mohojë efektet negative të imigracionit të paligjshëm në shoqëritë tona”, sepse ai prodhon “një rritje të krimit, presion mbi shërbimet publike dhe një rënie të nivelit të besimit publik”.
“Është detyra jonë të vazhdojmë të bëjmë përpjekje të vendosura për t’u ofruar përgjigje konkrete qytetarëve – veçanërisht më të prekshmëve – dhe për të arritur siguri dhe mbrojtje më të madhe për shoqëritë tona”, shtojnë ato.
Meloni dhe Frederiksen bëjnë thirrje për “krijimin e qendrave të riatdhesimit në vendet e treta, si dhe zgjidhje të tjera inovative jashtë Evropës” dhe “respektimin e parimeve dhe ligjeve evropiane” nga emigrantët e parregullt dhe të ligjshëm që jetojnë në vende të ndryshme të Evropës.
“Ne të dyja jemi krenarë për trashëgiminë kulturore dhe të krishterë të Evropës dhe duam ta mbrojmë atë. Ajo që presim nga ata që mbërrijnë në vendet tona dhe zgjedhin ta bëjnë Evropën shtëpinë e tyre është të respektojnë vlerat tona dhe të mos përpiqen të na imponojnë standarde jetese që nuk i ndajmë”, përfundojnë dy kryeministret.
