Ka punuar për familjen mbretërore sudite, ka luftuar në Regjimentin Parashutist të ushtrisë britanike në Irak, Afganistan, Somali, Angolë dhe Nigeri, për t’u bërë më pas një truprojë privat, duke pasur mes klientëve të tij ish-futbollistin David Beckham.
Por tani, jeta e 46-vjeçarin Simon Jones, është ky emri që ka zgjedhur për të fshehur identitetin e tij, ka ndryshuar në mënyrë drastike. Pas problemeve financiare, është bërë i pastrehë dhe tani jeton si Tom Kanks, aktori i Hollivudit tek filmi “The Terminal”, në aeroportin londinez të “Heathrow”.
Jones tregon se është frymëzuar pikërisht nga filmi i famshëm: duke mbetur pa shtëpi dhe para dhe i detyruar të jetojë në rrugë, ka menduar se aeroporti londinez mund t’i ofrojë mundësinë të strehohet dhe të ketë internet falas.
Jeta në aeroport e Tom Hanks – Në filmin e interpretuar nga Tom Hanks, diçka e ngjashme i kishte ndodhur edhe protagonistit: Viktor Navorsk, i ardhur nga qyteti imagjinar i Krakozhias (Poloni), mbetet i bllokuar në aeroportin “JFK” të Nju Jorkut, pasi pasaporta e tij kishte humbur vlefshmërinë pas një grushti të shtetit të ndodhur ndërsa ai ishte në avion. Tom Hanks/Viktor Navorsk, është i detyruar tani të risajojë një jetë në brendësi të aeroportit.
Ish-truproja e Beckhamit – Në një mënyrë të ngjashme, Jones në brendësi të “Heathrow”-t, sot jeton mes vështirësive financiare dhe mungesës së ndihmës. Por 46-vjeçari ka lëshuar një apel, pikërisht në bazë të përvojës së tij: “Mendoja në fillim se do të qëndroj pak ditë në aeroport, por duke parë që asnjë nuk e kuptoi, vendosa të qëndroj. Tani, meqë unë kisha mundësi të jetoj aeroport, imagjinoj se këtë gjë mund ta bëjnë edhe terroristët”.
