Koronavirusi ka izoluar të gjithë Evropën. Italia po e pëson më keq, me mbi 9.000 viktima, e pasuar nga Spanja e cila ka afërsisht 6.000.
E ndërsa njerëzit rrinë mbyllur, ankthi rritet çdo ditë e më shumë. Njerëzit në të gjithë Evropën po gjejnë mënyra nga më të ndryshmet për mbrojtur veten kundër rreziqeve psikologjike të izolimit.
Raportimet e ndryshme në medie, ndonjëherë edhe fake news shkaktojnë panik te gjithë qytetarët. Për ta marrë sa me sportivitet vetëizolimin, evropianët gjejnë mënyra argëtuese nga më të ndryshmet. Normalisht psikologët këshillojnë që të mos e kaloni gjithë ditën duke parë mediet sociale, pasi kthehet në një rutinë që zor se do t’i largoheni kur kjo situatë të marrë fund. Por nëse ende nuk dini çfarë të bëni këto ditë vetëkarantinimi, ndiqni rekomandimet e fqinjëve tanë evropianë.
Të mërzitur sepse ata janë mësuar me jetën jashtë, spanjollët shumica e të cilëve, si shumë evropianë, jetojnë në apartamente, po mundohen ta kalojnë vetminë në mënyra të tjera.
Tarracat mbi pallate janë bërë vendi ideal për stërvitje, megjithëse jo të gjithë kanë qasje. Shumë bëjnë stërvitje, duke ngjitur dhe zbritur shkallët e pallatit, ose në ballkon. Një baba raportoi se vajza e tij po praktikohej për volejboll në shtëpi, duke përdor topin e letrave higjienike për të mos thyer sendet, informon dritare.net
Italianët, të cilët janë më të prekurit, dalin në ballkone dhe këndojnë, u bien instrumenteve muzikore çdo natë, në një shfaqje solidariteti, megjithëse ka rënë entuziazmi gjatë kësaj jave.
Shumë prej tyre tani kanë filluar të bëjnë joga dhe i shpërndajnë videot në internet. Të tjerët me pikturë, ose gatim dhe ndajnë recetat me miqtë e tyre në rrjete sociale.
Në Gjermani, 42.000 programues dhe hartues të programeve u mblodhën në internet për një hackathon masiv. #Wirvsvirus (ne kundër virusit) gjetën një zgjidhje të mundshme për problemet duke përfshirë gjurmimin e virusit, përmirësimin e komunikimit ndërspitalor, shpërndarjen e ushqimit për të pastrehët, ndihmuan ndaj fermerëve që të gjejnë njerëz që të shpërndajnë të korrat dhe përfunduan me një party masive në YouTube dhe Slack.
Si shumë vende anembanë Evropës, rezidentët e Brukselit janë detyruar të duartrokasin punëtorët e kujdesit shëndetësor nga dritaret dhe ballkonet e tyre çdo natë në orën 8 të mbrëmjes, shkruan dritare.net
Në Francë, e mbyllur që nga 17 marsi, në një kohë kur qytetarët dalin vetëm për të bërë pazar, për vrap apo nxjerrin për një shëtitje të shkurtër qenin, humori tani për tani është bërë tema kryesore në mediet sociale.
Komedianët postojnë çdo ditë nga një video të re. Videot e fqinjëve duke ngarë biçikletën në ballkon, apo shokët e ngushtë që bëjnë atë sfidën me këmbët janë bërë virale në internet. /dritare.net/
